Los viernis palramus en Estremeñu en Primel Ora. Oi Daniel Gordo, biembru del OSCEC, Órganu de Siguimientu i Cordinación del Estremeñu i la su Coltura.
Os queremos hablar hoy de la propia idea de habla. ¿Qué es el habla? El habla de Extremadura, en estremeñu, la palra d’Estremaúra, assín dizíu, en general, es la horma ena que palramus ena Estremaúra. Peru antocis, cómu palramus ena Estremaúra?
Pos amus a leyel el Estatutu d’Autonomía, á que mos cuenta a tentu la custión. Palramus castillanu, de contau, que es la idioma oficial, peru tamién palramus, comu dizi l’endilgu 9.1.47, otras “Modalidades lingüísticas propias de Extremadura”, cono cual ya sabemus que ena Estremaúra se palran otras lenguas hueraparti del castillanu. Peru craru, quál sonin estas moaliais lengüísticas propias? Pos sonin tres: l’estremeñu, que estó a palral agora, a fala de Xálima i el purtugués arrayanu. I ara no mos vaga, peru ya pa otra semana vos diremus dandu enteracionis de caúna d’ellas. Alos güenus días!
