El Estremeñu, una luenga que ni es palraeru de viejas, ni de cabrerus.
Viernes, 12 Febrero 2021

Los viernis palramus en estremeñu.... Oi con Beji Estévez, biembru del OSCEC...

Dendi chiqueninu deprendí que el valol de qualquiera luenga es el refrexu dela coltura que representa, coltura que perteneci a una región que aliquandu ahila palantri i alas vezis se quea reçagá.

Los estremeñus, por muchas custionis, conos sus oficius, la su horma de semilal la vida, i los sus reañus, huerun acontinandu la su volución; peru pa essu, se queó pol caminu la corrienti lingüística tan rica i variá que mos dexarun la muestra genti de patrás. Peru, oju: tó no está antiguau, pos tó no es ni palraeru de viejas ni de cabrerus.

La muestra luenga (comu tantas luengas amenuías) es bastanti fressibli comu pa dil entavía oi de junta al vezinu estremeñu.  Semus las zagalas i los zagalis quien enos muestrus días corrientis vemus de encruíl-la: enos guasas, enos salúus, ena calli, enos palraerus conos collaçus i parientis...

Alibral-la delus malus julgamientus i crichés, peru sobri tó gastal-la sin mieu, es un passu grandi pa cural-la i endonal-la.

Porque las luengas no sonin pa hazel çanjas, sino pa encopetal los campus dambus laus dela mesma lindi por igual.
 

Lo más escuchado

Imagen
CP Cabezuela
my image

El Cabezuela luchará por volver a Primera Extremeña dos años después

Imagen
my image

Spiderman, un superhéroe enamorado de Cáceres

Imagen
my image

La Cofradía del Señor Coronado de Espinas de Jerez de los Caballeros cumple 250 años

Imagen
my image

El problema de los tres cuerpos